Ռյուտե. Եվրոպան պետք է աջակցի Ուկրաինային և հիշի Ռուսաստանի սպառնալիքի մասին

Հունիսի 24-ին Հաագայում մեկնարկել է ՆԱՏՕ-ի երկրների ղեկավարների երկօրյա գագաթնաժողովը։ Ներկա են լինելու դաշինքի 32 անդամ երկրների ղեկավարները:

Գագաթնաժողովից առաջ մամուլի ասուլիսում ՆԱՏՕ-ի գլխավոր քարտուղար Մարկ Ռյուտեն հայտարարել է, որ Եվրոպան պետք է աջակցի Ուկրաինային և հիշի Ռուսաստանի ներկայացրած սպառնալիքի մասին: Նա կրկնել է ավելի վաղ հնչեցրած թվերը․ մեկ տարում Ռուսաստանը նույնքան սպառազինություն է արտադրում, որքան ամբողջ ՆԱՏՕ-ն:

Ընդ որում, հիշեցրել է Ռյուտեն, Ռուսաստանի տնտեսությունը 25 անգամ փոքր է ՆԱՏՕ-ի երկրների տնտեսությունից:
Ռյուտեն հուս չունի, որ Ռուսաստանի և Ուկրաինայի միջև խաղաղության հաստատումը առաջիկայում հնարավոր կլինի: Շեշտել է՝ այդ ընթացքում, Ուկրաինան պետք է ունենա պայքարը շարունակելու համար անհրաժեշտ ամեն բան: